Alymlar Aýyň ýaşyna gaýtadan garadylar. Amerikaly we ýewropaly alymlar tarapyndan geçirilen barlag Ýeriň hemrasynyň 4,51 milliard ýyl ozal, ýagny planetamyz bilen bir wagtda diýen ýaly emele gelendigini görkezdi diýip, NBC habar berýär.
Şeýle netijä “Apollon 17” missiýasy tarapyndan iberilen Aý jynslaryndan alnan mikroskopik kristallar bolan sirkonlaryň seljerilmegi esasynda gelindi. Olar lawa bilen planetanyň ýüzüne “akyp çykan” gatlakda ýüze çykýar.
“Biziň hasaplamalarymyz, Aý jynslarynda 4,35 milliard ýyllyk sirkonyň kristal nusgalarynyň ýygy-ýygydan duş gelmegi, Aýyň içki böleginiň Ýer bilen Günüň agyrlyk güýjüniň täsiri netijesinde bütinleý erändigini görkezýär. Muny diňe Aý, takmynan, 4,5 milliard ýyl ozal ýüze çykan halatynda düşündirip bolar "-diýip planetologlar ýazýarlar.
Santa-Kruzdaky (ABŞ) Kaliforniýa uniwersitetiniň professory Frensis Nimmonyň ýolbaşçylygynda geçirilen barlag Nature žurnalynda çap edildi. Täze teoriýa sirkonlaryň we Aýdaky az sanly gadymy kraterleriň ýaşyny düşündirýän modelirlemek bilen tassyklanýar.
Açyş Gün ulgamynyň ösüşi baradaky düşünjäni üýtgedýär.
