Huawei DxOMark-yň wersiýasyna boýunça dünýäde iň gowusy diýlip ykrar edilen flagman kamerofony - Pura 70 Ultra-nyň bahasyny ep-esli arzanlatdy. Indi Hytaýyň içerki bazarynda 12 Gb operatiw ýatly we 512 Gb fleş ýady bolan enjamyň täze wersiýasynyň bahasy 1027 dollar. Şu ýylyň ýazynda smartfon çykan wagty onuň bahasy 1290 dollardy diýip, Gizmochina habar berýär.
Kamerofonyň beýleki wersiýalary üçin hem bahalar arzanlady. 16 Gb RAM-ly we 512 Gb hemişelik ýady bolan modeliň bahasy 1233 dollardan 1096 dollara çenli arzanlady. 1 TB ýatly ýokarky wersiýanyň bahasy indi 1380 dollaryň deregine 1233 dollar.
Huawei Pura 70 Ultra Full HD+ durulygy we 120 Hz täzeleniş tizligi bolan 6,8 dýuýmlyk OLED ekrany bilen enjamlaşdyrylandyr.
Smartfonyň esasy aýratynlyklaryndan biri giňelip we ýygnalyp bilýän mehaniki aýlanýan teleskopik linzaly 1 dýuým 50 megapiksel datçigiň bolmagydyr. Şeýle hem 40 megapiksel ultra giň burçly datçik hem-de makro surata düşüriş we şekili optiki durnuklaşdyryjy 50 megapikselli teleobýektiwi bar. Üç datçigiň üçüsi hem burçy aýlawly uly üçburç blokda ýerleşýär.
Esasy kamerada f/1.6-dan f/4.0 çenli üýtgeýän diafragma we suratyň ýokary hilli bolmagyny üpjün edýän, sensory süýşürmek arkaly şekili durnuklaşdyrmak tehnologiýasy bar. Kamera sagatda 300 km-e çenli tizlikde dury surata düşmäge ukyply we sensor bolsa azyndan 300 müň sikl giňelmäge we gysylmaga çydamlylyk synagyndan geçdi. Şeýle hem 3,5x optiki ýakynlaşdyrmagy we 100x sanly ýakynlaşdyrmagy goldaýar.
Enjam 100W çalt simli zarýad bermegi we 80W simsiz zarýad bermegi goldaýar. Batareýanyň kuwwaty 5200 mAh.
