“Mumiýa” gaýdyp gelýär; Filmiň remeýki 2026-njy ýylyň ýazynda çykar

  • 24.12.2024 00:22
  • 3.8k+

“Mumiýa” başdangeçirmeler filminiň remeýki 2026-njy ýylyň 17-nji aprelinde çykar. Filmiň režissýory “Eýmenç ölüleriň gozgalaňy” (“Восстание зловещих мертвецов”) we “Başga” (“Другой”) eserleri bilen tanalýan irlandiýaly Li Kronin. Bu barada Collider neşiri habar berýär.

Filmiň edebi esasyny hem Kronin ýazar.
Režissýor X sosial ulgamynda: “Bu owal-ahyr gören “Mumiýa” filmleriňiziň hiç birine meňzemez. Men juda gadymy we diýseň gorkunç bir zady açmak üçin ýeriň çuňlugyna çümýärin" – diýip ýazdy.
Geljekki filmiň sýužeti häzirlikçe gizlin saklanýar. Insaýderleriň berýän maglumatlaryna görä, oňa 1999-njy ýylyň asyl “Mumiýa” filminde oýnan ýyldyzlar Brendan Freýzer bilen Reýçel Waýs dagylaryň gatnaşmaklary mümkin.
Film Blumhouse, New Line Cinema, Atomic Monster we Doppelgangers studiýalarynyň goldawy bilen çykar. Filme Jeýms Wan, Jeýson Blum we Jon Kewil dagylar prodýusserlik eder. Taslama birnäçe iri studiýa, şol sanda Atomic Monster hem jogapkär bolar.
1999-njy ýyldaky filmiň hem remeýk bolandygyny bellemelidiris. 1932-nji ýylda çykan adybir film bar. Brendan Freýzeriň baş keşbi janlandyrmagynda düşürilen  film 416 million dollardan gowrak girdeji gazanypdy. Ol iki sikweliň we spin-offyň döremegine sebäp boldy.
2017-nji ýylda Universal Pictures studiýasy Tom Kruzyň baş keşbi janlandyrmagynda “Mumiýany” çykarmak bilen, franşizany täzeden goýbermäge  synanyşypdy. Emma film kassa ýygymynda şowsuzlyga uçrady, tankytçylaryň ýaramaz synlaryny aldy we aktýora “Iň erbet aktýor” kategoriýasynda “Altyn malina” baýragyny berdi. Şeýle kabul edilmegi Universal-y “Garaňky älem” boýunça birnäçe taslamany çykarmak baradaky asyl meýilnamalaryndan ýüz öwürmäge mejbur etdi.


şu gün 11:02
2.5k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

şu gün 09:20
881

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

şu gün 09:06
1.9k+

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...

düýn 11:39
4.7k+

Variety ähli döwrüň iň gülkünç 100 komediýasyny saýlady

Variety žurnaly ähli döwrüň iň gowy 100 komediýasynyň reýtingini hödürledi. Žurnalistler sanaw düzülende filmiň klassyk bolmagyna täsir edýän faktorlary göz öňünde tutmaga çalyşdy, ýöne esasy görkeziji filmiň näderejede gülkünçdigi boldy...