Täze “Supermen” filminiň tizer-treýleri ilkinji 24 sagadyň dowamynda 250 million tomaşaçy toplap, Warner Bros.-yň taslamalarynyň arasynda iň meşhury boldy. Filmiň režissýory Jeýms Gan bu barada sosial ulgamlarynda habar berdi.
“Kripto bizi hakykatdanam halas etdi. “Supermen” filmine 250 milliondan gowrak gezek tomaşa edildi we sosial ulgamlarda ol barada, takmynan, 1 million gezek ýazyldy. Ol DC-niň we Warner Bros.-yň taryhynda iň köp görlen we ara alnyp maslahatlaşylan treýler boldy "-diýdi.
Tizerde Supermeniň kino älemi üçin gahrymanyň iti Kripto, Gyrgy gyz, Gaý Gardneriň Ýaşyl Çyrasy, mister Terrifik we Metamorf ýaly täze keşpler bar.
Ganyň sözlerine görä, film gahrymanyň tutuş mifologiýasyny öz içine almaga çalyşýar: "Biz onuň super gahryman dostlaryny, çylşyrymly gatnaşyklarda bolan gahrymanlary, öň ekranda görünmedik köp gülkünç zatlary görkezmek isleýäris."
Tomaşa ediliş nukdaýnazaryndan treýler “Joker: Iki adamlyk telbelik” (167 million) we “Tapmaça 2” (157 million) filmlerinden öňe geçdi, ýöne rekordda “Dedpul we Rosomaha” filminden (365 million) yza galdy. Filmiň ilkinji görkezilişi iýul aýyna meýilleşdirilýär.
