Arheologlar Kuweýtde “Garri Potter” filmindäki başgaby ýatladýan täsin heýkeljigi tapdylar

  • 23.12.2024 16:12
  • 13k+

Kuweýtde geçirilen gazuw-agtaryş işleriniň dowamynda alymlar ýaşy 7000 ýyldan gowrak bolan heýkeljigi tapdylar. Ony başga planetalylar bilen deňeşdirýärler, käbir ylmy gözlegçiler bolsa onuň “Garri Potter” filmindäki başgap bilen meňzeşligini öňe sürýär diýip, Daily Mail habar berýär.

Bu Pars aýlagy sebitinde ilkinji şeýle açyşdyr. Heýkel “gyýçak gözli, tekiz burunly we süýri kelleçanakly kiçi, elde ýasalan kelläni” şekillendirýär.
Arheologiki ekspedisiýanyň ýolbaşçysy Agneşka Şimçak tapyndynyň alymlar üçin bütinleý garaşylmadykdygyny belledi. Onuň gelip çykyşy gadymy ilatyň däp-dessurlary bilen baglanyşykly bolsa gerek.

“Bu heýkeljigiň biziň obýektimizde bolmagy onuň maksady we simwolik, megerem, däp-dessurlyk ähmiýeti baradaky gyzykly soraglary döredýär” – diýip, professor Petr Beliskiý belledi.

Bu açyş sebitde b.e.öňki 5500-4900-nji ýyllarda küýzegärçilik önümçiliginiň bolandygyny tassyklaýar. Şeýle-de, arheologlar bu ýerde keramiki gaplary we bişmedik küýzäni tapdylar.


şu gün 13:17
1.5k+

Serbiýada gladiatorlaryň söweşine gatnaşan aýynyň galyndylary tapyldy

Häzirki Serbiýanyň Wiminasium şäherindäki gadymy Rim amfiteatrynyň golaýynda ýaşy takmynan 1700 ýyllyk aýy kellesiniň bölekleri  tapyldy. Bu açyş aýylaryň gladiator söweşine gatnaşandygyny görkezýän ilkinji göni subutnamany berýär diýip, Live Science ýazýar...

şu gün 10:48
2.1k+

Müsürde Kleopatranyň döwrüniň suw basan porty tapyldy

Müsürde Dominikan missiýasynyň arheologlary Kleopatranyň döwrüne degişli suw basan portuň yzlaryny tapdylar diýip, National Geographic habar berýär. Alymlar gazuw-agtaryş işleri wagtynda daş we metal labyrlary, gadymy amforalary we içerki portuň galyndylaryny tapdylar...

21.09.2025 21:24
4.4k+

Şotlandiýanyň kenarlarynda Makdonaldlar urugynyň orta asyr galasynyň galyndylary tapyldy

Arheologlar Şotlandiýanyň günbatar kenarynda ýitirilen diýlip hasaplanan orta asyr galasyny we patyşalyk köşgüni tapdy. Açyş Makdonaldlar urugynyň galasy baradaky rowaýatlaryň hakykatdygyny tassyklady diýip, BBC News habar berýär...

20.09.2025 14:25
9k+

Gobi çölünde üýtgeşik tegelek kelleli dinozawr tapyldy

Mongoliýadaky Gobi çölünde paleontologlar gümmezkelle dinozawryň daşa öwrülen galyndylaryny tapdy. Galyndylaryň ýaşy 108-115 mln ýyla barabar. Bu häzirki günde şeýle dinozawrlaryň iň gadymy we doly galyndylarydyr...