Prezident Serdar Berdimuhamedow 2025-nji ýylda ministrlikler we pudaklaýyn dolandyryş edaralary tarapyndan ýurdumyzda we daşary döwletlerde geçirilmegi teklip edilýän sergiler, maslahatlar, işewürlik duşuşyklary babatda taýýarlanylan teklibi goldady. Bu barada TDH habar berýär.
Degişli teklibi 21-nji dekabrda geçirilen Hökümet mejlisinde wise-premýer N.Atagulyýew hödürledi.
Bellenilişi ýaly, bu möhüm çäreler milli ykdysadyýetiň dürli pudaklarynda gazanylýan üstünlikleri halkara jemgyýetçilige giňden tanyşdyrmaga, daşary ýurt maýa goýumlaryny çekmäge, ýokary tehnologiýalary, innowasiýalary ornaşdyrmaga gönükdirilendir.
Döwlet Baştutany teklibi goldap, wise-premýere degişli tabşyryklary berdi.
