Hytaý häkimiýetleri daşary ýurtly syýahatçylaryň ýurtda wizasyz üstaşyr bolmak möhletini 3 we 6 günden 10 güne çenli uzaltdy. Bu barada HHR-iň Immigrasiýa işleri boýunça Döwlet edarasyna salgylanyp, “Sinhua” agentligi habar berýär.
Mundan başga-da, ýurtda üstaşyr geçýän syýahatçylaryň galyp biljek zolaklary giňeldildi.
Täze çäreler dünýäniň 54 ýurdunyň raýatlaryna degişli bolar. Olar üstaşyr üçünji ýurda ýa-da sebite geçenlerinde Hytaýa wizasyz girip biler.
Syýahatçylar 24 welaýatda, awtonom sebitlerde we merkezi tabynlykdaky şäherlerde ýerleşýän 60 barlag-geçiriş nokadynyň islendik biriniň üsti bilen ýurda girip biler. Täze syýasatyň aýratynlygy sebitara syýahat mümkinçiligi bolup, bu daşary ýurtlulara 10 günüň dowamynda görkezilen 24 administratiw birlikde erkin syýahat etmäge mümkinçilik berýär.
2024-nji ýylyň ýanwar – noýabr aýlarynda Hytaý, takynan, 29,22 mln daşary ýurtlyny kabul etdi, bu bolsa geçen ýylkydan 86,2% köpdür. Şolardan 17,45 mln adam Hytaýa wizasyz girdi we bu hem geçen ýylyň degişli döwri bilen deňeşdirilende 123,3% köpdür.
