Angliýanyň “Aston Willa” toparynda çykyş edýän argentinaly derwezeban Emiliano Martines Halkara Futbol Federasiýasy (FIFA) tarapyndan 2024-nji ýylyň iň gowy derwezebany diýlip ykrar edildi. Baýrak Kataryň paýtagty Dohada geçirilen The Best FIFA Football Awards 2024 dabarasynda gowşuryldy.
Martines milli ýygyndylaryň kapitanlarynyň we tälimçileriniň, şeýle-de žurnalistleriň we janköýerleriň ses bermeginde 26 utuk gazandy. Ol bu baýragy soňky üç ýylda ikinji gezek alýar. Öň, argentinaly 2022-nji ýylda iň gowusy hökmünde saýlandy.
Şu ýyl iň gowularyň üçlügine “Mançester Sitiniň” hem Braziliýanyň milli ýygyndysynyň derwezebany Ederson (16 utuk) we “Atletik Bilbaonyň” hem Ispaniýanyň milli ýygyndysynyň derwezebany Unai Simon (13 utuk) girdi. Bulardan başga-da, baýraga ukrainaly Andreý Lunin (“Real”), ispaniýaly Dawid Raýo (“Arsenal”), italiýaly Janluiji Donnarumma (“PSŽ”) we fransiýaly Maýk Menýan (“Milan”) dalaş etdi.
Martines 2024-nji ýylda Argentinanyň milli ýygyndysynyň düzüminde Amerikanyň Kubogyny utdy.
Oktýabr aýynda argentinaly oýunçy yzygider ikinji gezek Ýaşin baýragynyň – France Football žurnaly tarapyndan ýylyň iň gowy derwezebanyna berilýän baýragyň eýesi boldy.
