“Aston Willanyň” we Argentinanyň milli ýygyndysynyň derwezebany Emiliano Martines 2023/2024-möwsüminiň jemi boýunça Lew Ýaşin adyndaky baýragyň eýesi boldy. Baýrak “France Football” žurnaly tarapyndan dünýäniň iň gowy derwezebanyna berilýär.
Ýeňijiniň ady Parižde geçirilen “Altyn top” baýragynyň gowşurylyş dabarasynda yglan edildi.
Belläp geçsek, Martines bu baýragy yzygider ikinji ýyl aldy. Möwsümiň dowamynda ol Argentinanyň milli ýygyndysy bilen bilelikde Amerikanyň Kubogyny utdy.
2023/2024-möwsüminiň jemi boýunça dünýäniň iň güýçli derwezebanlarynyň ilkinji bäşligi şeýle görnüşde:
- Emiliano Martines (“Aston Willa”);
- Unaý Simon (“Atletik”);
- Andreý Lunin (“Real”);
- Janluiji Donnarumma (“PSŽ”);
- Maýk Menýan (“Milan”).
