Geljek ýyl Apple soňky alty ýylyň içinde ilkinji gezek iPhone-yň esasy kamerasynyň dizaýnyny üýtgeder. Maglumat üpjünçilik zynjyrlaryna salgylanýan abraýly insaýder Digital Chat Station tarapyndan tassyklandy.
Syzdyrylan maglumatlara görä, iPhone 17 Pro-daky we 17 Pro Max-daky kameranyň moduly smartfonyň arka paneliniň ýokarsynda, gönüburçly blogyň içinde bir setirde keseligine ýerleşer. Bu 2019-njy ýylda kompaniýa iPhone 11-iň pro wersiýalarynda kwadrat kamera bölümini hödürläni bäri ilkinji uly üýtgeşme bolar.
Täze dizaýny diňe iPhone 17-iň Pro wersiýasy aljakmy ýa-da tutuş setir – takyk aýdylmaýar. Mysal üçin, 17 Air setiriniň ýekeje kamera bilen has ýönekeý dizaýny aljakdygy mälimdir.
Şeýle-de, Digital Chat Station kese ýerleşişiniň 2025-nji ýylyň smartfonlary üçin tendensiýa boljakdygyny öňe sürýär. Android enjamlaryny öndürijiler bu dizaýny kabul edip bilerler.
Täze daşky görnüşinden başga-da, iPhone 17 Pro ýene birnäçe gowulaşmalar garaşýar. Enjamda 48 megapiksel durulykda üç kamera, 12 GB RAM we güýçli A19 Pro prosessory bolup biler.
Apple iPhone-nyň täze setirini däp boýunça sentýabr aýynda yglan eder diýip garaşylýar.
