Germaniýanyň Rinteln şäherinde ýaşaýan Jeromin jübüti öýlerinde alty ýüzden gowrak Täze ýyl arçasyny bezäp, baýramçylyk bezegleriniň sany boýunça täzeden rekord goýdular.
Sýuzanna we Tomas Jeromin baýramçylygyň öňüsyrasynda 605 sany arça bezediler. Bu jübütiň ozalky goýan rekordy 2017-nji ýyldan bäri saklanyp gelýärdi, ýöne 2022-nji ýylda täze rekord goýlupdy.
Arçalary bezemek üçin jübüt 120 müň bezeg oýunjaklaryny we 50 müň bezeg çyralaryny ulandylar. Arçalaryň her biri aýratyn görnüşde bezelipdir, olaryň dizaýny gaýtalanmaýar.
Arça agaçlary myhman otagda, aşhanada, hammamda we hatda hajathanada hem goýuldy. Jübüt diňe gyzynyň otagyny bezegsiz galdyrdy.
Tomas baýramçylyga taýynlyk görmekden lezzet alýandygyny aýtdy.
Ol: “Bu gaty täsin. Bu zatlaryň hemmesiniň şu ýerde ýalpyldap durmagy gaty gowy zat" - diýdi.
Jerominler her ýyl öýlerini Täze ýyl baýramçylygy üçin taýýarlaýarlar. Mundan başga-da öýüň täsin interýeriniň üstüni ýetirýän müňlerçe Täze ýyl heýkeljikleri hem bar.
