“Mançester Siti” Premýer-liganyň 2023/24 möwsüminde rekord 715 million ýewro girdeji gazanandygyny habar berdi. Klub rekord goýupdyr diýip, BBC habar berýär.
Klubuň girdejisi, geçen möwsüm bilen deňeşdirilende, 2,2 million ýewro artdy. Salgytdan öňki girdeji 73,8 million ýewro boldy.
Aýlyk çykdajylary 10,3 million ýewro kemelip, 412,6 million ýewro çenli azaldy, täjirçilik girdejisi bolsa 341,4 million funtdan 344,7 million funt sterlinge çenli ýokarlandy.
Klub 2014/15-nji ýyldan bäri her möwsümde girdejisini hasaplap gelýär, diňe Covid-19 pandemiýasynyň täsirine düşen 2019/20 möwsümde hasaba alynmandy.
Transfer işinden alnan girdeji 92,8 million ýewro boldy.
Toparyň karzy 151,4 million funtdan 267,4 million funt sterlinge, beýleki daşarky çykdajylar 124 million funtdan 172,4 million funt sterlinge çenli ýokarlandy.
Klub öz meýdançasynyň Demirgazyk tribunasyny giňeldýär. Bu “Etihad Stediumyň” sygymyny Ýewro-2028-e çenli 60 000-e ýetirer. Şeýle hem 2025/26 möwsümde zenanlar topary üçin täze türgenleşik desgasy açylar.
