Aşgabatda “Watan” kinokonsert merkezinde “Merdana nesil-2024” bäsleşiginiň ýeňijilerini sylaglamak dabarasy geçirildi. “Нейтральный Туркменистан” gazetiniň habar bermegine görä, ýurduň umumy bilim berýän mekdepleriniň 3-5-nji synp okuwçylarynyň arasynda geçirilen döredijilik bäsleşigi Türkmenistanyň Bilim ministrligi we Magtymguly adyndaky Ýaşlar guramasynyň merkezi geňeşi tarapyndan guraldy.
Bäsleşik Halkara Bitaraplyk gününiň öňüsyrasynda geçirildi.
Gatnaşyjylar üç ugur boýunça bäsleşdiler: watançylyk çykyşlary, gülküli wakalar we aýdym-sazly çykyşlar. Bäsleşigiň jemleýji tapgyryna ýurdumyzyň welaýatlarynda we şäherlerinde saýlama tapgyrlardan geçen 14 gatnaşyjyny ýygnandy.
Baş baýraga “Döwletliler köşgüniň” bäşinji synp okuwçysy Rahman Kuleýmanow mynasyp boldy.
Beýleki baýraklara şu aşakdaky okuwçylar eýe boldular:
1-nji ýer: Meretmyrat Myratjanow, 3-nji mekdep, Balkanabat.
2-nji ýer:
- Halylmyrat Kakadurdiýew, 19-njy mekdep, Gökdepe etraby, Ahal welaýaty.
- Söýün Nazarmedow, 3-nji mekdep, Daşoguz şäheri.
3-nji ýer:
- Jeýhun Allaberdiýew, 2-nji mekdep, Arkadag şäheri.
- Umyt Töräýew, 2-nji mekdep, Türkmenabat.
- Abdyrahman Pollykow, 26-njy mekdep, Mary şäheri.
Ýeňijilere şahadatnamalar we ýadygärlik sowgatlar gowşuryldy, galan gatnaşyjylar bolsa höweslendiriji baýraklary aldylar.
