Balkan welaýatynyň Pensiýa gaznasynyň müdirliginiň Gyzylarbat etrabynyň pensiýa gaznasynyň bölüminiň täze gurlan üç gatly edara binasy açyldy.
Häzirki zaman hil ülňülerine laýyk bina edilen desganyň açylyş dabarasyna Balkan welaýat Gyzylarbat etrap häkimlikleriniň jogapkär işgärleri, Zähmet we ilaty durmuş taýdan goramak ministrliginiň ýolbaşçylary, Mejlisiň deputatlary, jemgyýetçilik guramalarynyň we ýaşuly nesliň wekilleri, şäheriň köp sanly ýaşaýjylary gatnaşdylar.
Binanynyň gurluşygyny Türkmenistanyň Senagatçylar we telekeçiler birleşiginiň agzasy bolan «Gözel zaman» hususy kärhanasy ýerine ýetirdi. Ondaky iş otaglary ilata döwrebap hyzmat etmek üçin iň kämil kompýuter enjamlary we tilsimatlary bilen üpjün edildi.
Dabaranyň dowamynda tapawutlanan gurluşykçylara gymmat bahaly sowgatlar gowşuryldy.
