Berlindäki ýubileý, 75-nji Halkara kinofestiwal germaniýaly kinorežissýor Tom Tykweriň “Yşyk” (Свет) dramasy bilen açylar. Bu barada festiwalyň direksiýasy habar berdi.
Film maşgala agzalary eýýäm birnäçe ýyl bäri biri-birinden daşlaşýan häzirkizaman maşgalasy we olaryň durmuşynyň Siriýadan syrly bir hyzmatkäriň peýda bolmagy bilen üýtgeýşi barada gürrüň berer.
Filmde baş keşpleri Lars Aýdinger, Nikolett Krebits, Tala Al-Din we beýlekiler ýerine ýetirdi. Bu Tykweriň soňky dokuz ýylda ilkinji filmidir. Režissýor “Parfýumer: bir ganhoryň kyssasy” (Парфюмер: история одного убийцы), “Ylga, Lola, ylga” (Беги, Лола, беги), “Bulut atlasy” (Облачный атлас), “Patyşa üçin gologramma” (Голограмма для короля ) ýaly filmler bilen hem tanalýar.
Berlinale 2025-nji ýylyň 13 – 23-nji fewralynda geçiriler. Emin agzalarynyň başlygy hökmünde režissýor Todd Heýns saýlandy.
