Germaniýanyň awtoulag pudagy kyn ýagdaýy başdan geçirýär. Awtoöndürijileriň hytaý kompaniýalary bilen bäsleşmäge güýji ýetenok. Oktýabr aýynda Mercedes-Benz Hytaýda ýekeje-de Mercedes-Benz EQE elektrik sedanyny satyp bilmedi. 2024-nji ýylda kompaniýa bu modelden 300-e golaý birlik çykardy diýip, Focus žurnaly ýazýar.
Neşir oktýabr aýynda bu seriýadan ýekeje awtomobiliň hem Hytaýyň 1,4 mlrd raýatynyň arasynda alyjy tapmandygyny belleýär. Audi-niň elektromobil bölümçesi hem şeýle kynçylyklar bilen ýüzbe-ýüz bolýar. Eýýäm 2023-nji ýylyň ortasynda VW-niň golçur kompaniýasy Audi E-Tron-yň ýerli önümçiligini bes etdi. Bellenilişi ýaly, geçen ýyl Audi 31 171 sany doly elektrik modelini satdy, bu hytaý bazarynda elektromobil satuwynyň 5%-inden hem azdyr.
Dünýäniň iň uly awtomobil bazarynda elektromobiller eýýäm satylan awtomobilleriň tas ýarysyny emele getirýär. Ýerli alyjylar BYD ýa-da Xiaomi kompaniýalarynyň elektromobillerini has makul bilýärler. Ulanyjylaryň we synçylaryň aýtmagyna görä, bu awtomobiller tehniki we baha-hil gatnaşygy taýdan özüni gowy görkezýär.
