Hytaýda Xiaomi-niň 1 kg egin-eşik ýüklemek üçin niýetlenen täze Mijia Mini Washing Machine kir ýuwujy maşynynyň deslapky satuwy başlandy. Ol ownuk egin-eşikler, mysal üçin, içki geýimler we joraplar üçin niýetlenip, birnäçe peýdaly funksiýalar bilen üpjün edildi.
Kir ýuwujy maşyn hatda stoluň üstünde ýerleşdirmek üçin hem ykjam bolup, ini 328 millimetre, beýikligi 461 millimetre, çuňlugy bolsa 452 millimetre barabar. Agramy 22 kg. Ol ses arkaly ýa-da Mijia ykjam goşundysy arkaly dolandyrmagy goldaýar. Mijia Mini Washing Machine göni herekete getiriji bilen üpjün edildi.
Geýimleriň takyk agramyny maşynyň özi kesgitleýär we awtomatik taýdan kir ýuwujy tozuň möçberini kesgitleýär. 20 sany kir ýuwmak režiminiň arasynda 95 °C temperaturada bug bilen arassalamak bolup, ol lukmançylyk ülňülerine laýyklykda egin-eşikleriň dezinfeksiýasyny üpjün edýär. Şeýle-de, tegmilleri aýyrmak üçin aýratyn režim, içki geýimleri ýuwmak üçin režim, 45 minutda çalt ýuwmak we guratmak, 15 minutda çalt ýuwmak bar. Ýüpek ýaly näzik matalar üçin bolsa temperaturany sazlamak bilen guratma usuly-da hödürlenýär.
Mundan başga-da, ýuwmak prosesi gutarandan soň 30 minutyň içinde eşikler çykarylmasa işjeňleşýän awtomatik ýelejiretmek funksiýasy göz öňünde tutuldy.
Mijia Mini Washing Machine kir ýuwujy maşynynyň bahasy 275 dollara barabar.
