“Çokundyran ata” (Крёстный отец) filminiň awtory Frensis Ford Koppola täze taslama bilen bagly meýilnamalaryny aýtdy. Onuň indiki filmini 2025-nji ýylda surata düşürip başlamagyna garaşylýar.
The Washington Post bilen söhbetdeşlikde Koppola Roždestwo baýramçylygyndan soň Londana göçjekdigini we şol ýerde surata düşürmäge taýýarlanjakdygyny aýtdy. Film “Aýyň şuglasy” (Glimpses of the Moon) diýlip atlandyrylar. Režissýor filmi “30-njy ýyllaryň stilindäki geň mýuzikl” hökmünde häsiýetlendirdi.
Lenta Edit Uortonyň 1922-nji ýyldaky adybir romanyna esaslanar. Kitabyň sýužeti maksatly nikalaşýan, ýöne kem-kemden biri-birinde söýgüsini tapýan ýaş çatynjalar barada gürrüň berýär. Filmiň başga bir referensi 1937-nji ýylyň “Elhenç hakykat” (Ужасная правда) klassyky komediýasy bolar.
Koppola öz karýerasynda mýuzikl bilen eýýäm işleşdi (“Tüýs ýürekden”, От всего сердца, 1981). Ýakynda ol “Megalopolis” filmini çykardy we ol prokatda şowsuz bolup, tankytçylar tarapyndan dürlüçe kabul edildi.
