Türkmen döwlet neşirýat gullugy Türkmenistanyň Bilim ministrliginiň teklibi bilen ýurdumyzyň mekdepleriniň 12-nji synplary üçin ýapon dili we hytaý dili boýunça okuw kitaplaryny neşir etdi. Bu barada "Türkmenistan: Altyn asyr" elektron neşiri habar berýär.
Orta mekdep okuwçylary üçin «Ýapon dili (II daşary ýurt dili)» okuw kitabynyň awtorlary - H.Ito bilen G.Sähedowa.
«Hytaý dili (II daşary ýurt dili)» okuw kitabynyň awtory Ç.Möwlamowa.
Bu okuw kitaplara girizilen materiallar orta mekdebiň soňky synpynda okaýan okuwçylara öňki synplarda alan bilimlerini gaýtalamaga hem-de düýpli berkitmäge mümkinçilik berer. Okuw kitaplary kommunikatiwlik (aragatnaşyga ugrukdyrmak), interaktiwlik (özara işjeňlige ugrukdyrmak), şeýle hem sanly tehnologiýalary giňden peýdalanmak ýörelgelerine esaslanyp taýýarlanyldy.
Okuw kitaplary daşary ýurt dillerini öwretmek boýunça tassyklanan okuw meýilnamalaryna, şeýle hem «Türkmenistanda daşary ýurt dillerini okatmagy kämilleşdirmegiň Konsepsiýasynda» kesgitlenen daşary ýurt dillerini okatmagyň meýilnamalary we ýörelgeleri boýunça işlenip düzüldi.
