Tom Kruz Dag Laýmanyň režissýorlyk etjek täze "Deeper" atly trillerinde baş rolda oýnar. Filmiň ssenariýaçysy Showbiz411 neşirine beren interwýusynda bu filmiň olaryň elhençlikler žanrlaryndaky ilkinji tejribesidigini aýtdy.
Filmiň sýužetinde ummanyň täze tapylan çuň ýerinde derňew geçirýän wezipesinden boşadylan astronawt barada gürrüň berilýär. Derňew işleriniň dowamynda bu gahryman jadyly we howply güýje duçar bolýar.
Dag Laýman: "Men hiç haçan şeýle filmi surata düşürip görmedim, Tom hem şeýle" – diýip, “has gorkunç” film döretmek isleýändigini aýtdy.
Bu taslama Warner Bros studiýasy tarapyndan taýýarlanylýar. Şeýle-de bolsa, “Deeper-de” önümçilik kynçylyklary ýüze çykdy: Maks Lendisiň ilkibaşdaky ssenariýasy 2016-njy ýylda tamamlandy, emma ssenariýaçynyň özüni alyp barşy boýunça arz-şikaýatlar zerarly soňrakky işler haýallady.
“Deeper-den” başga-da, Kruz we Laýman “Geljegiň çäginiň” (Грань будущего) sikweliniň we kosmosa uçuş baradaky taslamanyň üstünde işleýärler. Şeýle-de aktýor Alehandro Inýarittunyň "Broadsword" filminde, "Top Gan 3" filminde we “Gök gürrüldän günleriň” (Дни грома) sikwelinde çykyş eder. Mundan başga-da, "Missiýa ýerine ýetirerlik däl" (Миссия невыполнима) filminiň finalyna az wagt galdy.
