Kazyýet Tesla-nyň baş müdiri Ilon Maskyň, kompaniýanyň paýdarlarynyň makullandygyna garamazdan, 56 mlrd dollar möçberde öwez bukjasyny alyp bilmejekdigini karar etdi diýip, Reuters habar berýär.
Täze karary kazy Ketlin Makkormik tassyklady. Hut ol ýanwar aýyndaky kararynda töleg bukjasyny “aşa” diýip atlandyrypdy.
Öň, töleg bukjasy iýun aýynda kompaniýanyň paýdarlary tarapyndan makullandy. Ýöne kazy Tesla-nyň müdirler geňeşiniň gaýtadan ses berişligi geçirmäge hukugynyň ýokdugyny aýtdy. Öz çözgüdinde ol şeýle belledi: “Eger kazyýet ýeňlen taraplara kazyýet çözgütlerine täzeden garamak maksady bilen täze faktlary döretmäge mümkinçilik berýän tejribäni makullan bolsa, kazyýet dawalary tükeniksiz bolardy”.
Ilon Mask X sosial ulgamynda bu çözgüt bilen ylalaşmaýandygyny aýtdy.
“Kazylar däl-de, paýdarlar kompaniýanyň seslerini gözegçilikde saklamaly” – diýip, ol ýazdy.
“Bu nädogry çözgüt, biz şikaýat etmekçi” – diýip, Tesla-da bellenildi.
Makkormik eýýäm şu hepde gutarnykly karar çykarar. Tesla we Mask Delawer ştatynyň Ýokary kazyýetinde şikaýat edip biler. Ýöne şikaýata garamak işi bir ýyla çekip biler.
