Ýer ýüzünde iň garry erkek adam resmi taýdan braziliýaly Žoao Marinýo Neto boldy. Rekord goýlan wagty ol 112 ýyl 52 gün ýaşyndady. Bu barada Ginnesiň rekordlar kitaby habar berýär.
Žoaonyň ýaşy LongeviQuest gerontologik topar tarapyndan tassyklandy. Erkek adam 1912-nji ýylyň 5-nji oktýabrynda Maranguapi şäherinde daýhan maşgalasynda dünýä indi. Ol çagalykdan hojalyga kömek etdi, soňra ýeri miras alyp, daýhançylyk bilen meşgullanmagyny dowam etdirdi, mal köpeltdi we ekin ýetişdirdi. Kynçylyklara, şol sanda agyr gurakçylyga garamazdan, Žoao öz maşgalasy üçin maliýe taýdan durnukly durmuşy üpjün etmek üçin hemişe yhlasly zähmet çekdi.
Žoao iki gezek öýlenen. Onuň birinji nikasyndan dört çagasy, ikinjisinden üç çagasy bar. Häzirki günde rekord eýesiniň uly maşgalasy alty çagasyndan, 22 agtygyndan, 15 çowlugyndan we üç ýuwlugyndan ybarat.
Žoaonyň aýtmagyna görä, onuň uzak ýaşamagynyň syry ony gowy adamlaryň gurşamagynda we ýakyn adamlarynyň hemişe ýanynda bolmagyndadyr.
