4-nji dekabrda, çarşenbe güni Hindistanyň kosmos barlaglary guramasy (ISRO) Ýewropa kosmos agentligi (ESA) bilen bilelikde uzak möhletli emeli Gün tutulmasyny amala aşyrmak üçin Proba-3 missiýasyny ugradar. Bu Gün täjini dürs takyklyk bilen öwrenmäge kömek eder diýip, The Economic Times ýazýar.
Missiýa Satiş Dhawan kosmos merkezinden uçurylar.
Missiýanyň çäklerinde orbita hersiniň agramy 550 kg bolan iki hemra çykarylar. Olar her ýyl 50 gezege çenli emeli Gün tutulmasyny geçirmäge mümkinçilik berjek, millimetre çenli takyklykda Gün bilen bir hatara düzülip bilerler. Her Gün tutulmasynyň dowamlylygy alty sagada çenli dowam edip biler.
200 million ýewrolyk bu taslama Günüň üstünden has yssy bolan Gün täjini öwrenmekde täze mümkinçilikleri açýar. Emeli Gün tutulmasy alymlara tebigy Gün tutulmasy wagtyndaky gözegçiliklerde elýeter bolmaýan maglumatlary berer.
Bu çemeleşme Günde bolup geçýän hadysalara we Ýeriň howasyna edýän täsirine gowy düşünmäge mümkinçilik berer diýip garaşylýar.
