Lexus täze ykjam LBX gibrid krossowerini tanyşdyrdy. Täze model ýokary hili, ösen tehnologiýalary we ykjam ölçegleri özünde jemleýär diýip, Autocar ýazýar.
Awtoulag "Toyota Yaris Cross-yň" esasynda guruldy we gibrid güýç gurluşy bilen enjamlaşdyryldy.
Lexus LBX-iň uzynlygy bary-ýogy 4,19 metr.
Täze önüm gibrid güýç gurluşy: 1,5 litrlik üç silindrli benzinli hereketlendiriji we elektrik hereketlendirijisi bilen enjamlaşdyryldy. Ulgamyň umumy kuwwaty 136 at güýjüne ýetýär, 100 km / sag tizlige bolsa 9,2 sekuntda çykýar. 100 km üçin ortaça 4,5 litr ýangyç sarp edýär.
Model iki görnüşde bolar: öň tekerleri hereketli we ähli tekerleri hereketli, şonda yzky tekerler ikinji elektrik hereketlendirijisi bilen herekete getirilýär.
LBX-iň içinde premial bezegleri we 12,3 dýuýmlyk sanly gurallar paneli, 9,8 dýuým ekranly Lexus Link Connect maglumat ulgamy görnüşindäki häzirki zaman tehnologiýalary bar. Standart komplektasiýasyna uýgunlaşdyrylan kruiz dolandyryşy we Lexus Safety System + funksiýasynyň bukjasy girýär.
Krossower 38 000 dollar bahadan hödürlenýär. Ähli tekerleri hereketli, ýokary bezegli komplektasiýasy, takmynan, 50 700 dollara düşýär.
