Prezident Serdar Berdimuhamedow Halkara Bitaraplyk güni hem-de Täze ýyl baýramy bilen baglylykda, göçme söwda nokatlaryny gurnamagyň, bazarlary we dükanlary azyk, şol sanda gök-bakja, miwe önümleri bilen ýeterlik üpjün etmegiň möhümdigini nygtap, birnäçe tabşyryklary berdi. Bu barada TDH habar berýär.
Şeýle hem döwlet Baştutany bazarlarda ilatyň dürli önümlere bolan isleglerini doly kanagatlandyrmak üçin degişli çäreleri görmegi tabşyrdy.
Anna güni Hökümet mejlisinde bellenilişi ýaly, ýurdumyzyň welaýatlarynda hem-de Aşgabat we Arkadag şäherlerinde ýerleşýän bazarlarda, söwda merkezlerinde şu ýylyň 5-nji dekabryndan başlap baýramçylyk söwdalaryny geçirmek, ýurdumyz boýunça jemi 850-den gowrak göçme söwda nokadyny guramak göz öňünde tutulýar.
