Ýewropa Bileleşiginiň Türkmenistandaky wekilhanasy 8-nji dekabrda «Winter cup 2024» atly akyl-bilim bäsleşigini geçirýär. Şunuň bilen baglylykda, ÝB islegi bolan toparlary bäsleşige gatnaşmaga çagyrýar diýip, "Türkmenistan: Altyn asyr" elektron neşiri habar berýär.
Topar 8 adamdan ybarat bolmaly: 6 esasy oýunçy we 2 ätiýaçlyk. Toparlar 24 soraga – iki tapgyryň hersinde 12 soraga jogap bermeli bolarlar. Iki tapgyrda iň gowy netije görkezenler jemleýji oýna çykar we şol ýerde «Çempion» diýen at ugrunda bäsleşer.
Galan toparlar oýny final soraglary boýunça dowam etdirmek bilen, bilim ýaryşynda bürünç medal ugrunda bäsleşerler. Finalda oýun 6 utuga çenli dowam eder. Bäsleşik türkmen we rus dillerinde geçiriler. Bäsleşige gatnaşmak mugt! Munuň üçin 6-njy dekabra çenli onlaýn soragnamany dolduryp, hasaba alynmaly.
Oýnuň geçiriljek ýeri: «Angar» resto-kluby;
Salgysy: Arçabil şaýoly-41 («ABM» iş merkezi).
