27-30-njy noýabrda Stambulda X Bütindünýä Halal sammitine we Halal Ekspo 2024 forumy geçirilýär. Foruma Türkmenistanyň Söwda-senagat edarasynyň başlygy Mergen Gurdowyň ýolbaşçylygyndaky wekiliýet gatnaşar. Bu barada Türkiýäniň ýurdumyzdaky diplomatik wekilhanasynda habar berdiler.
Forumyň çäklerinde şeýle hem B2B-ýarmarka geçiriler. Onda türkmen kompaniýalary dünýäniň dürli künjeklerinden gelip, önümlerini görkezýän 500-den gowrak kompaniýa bilen göni gepleşikleri geçirmäge mümkinçilik alarlar.
Dünýäde iň iri “halal forumlaryň” biri hasaplanýan bu çäräniň 40 müňden gowrak wekilleri jemlemegine garaşylýar. Serginiň çäklerinde gazanyljak B2B ylalaşyklar kompaniýalara halal senagatda paýlaryny artdyrmaga mümkinçilik berer.
Sergä dünýäniň 25 döwletinden wekilleriň gatnaşmagyna garaşylýar.
