Italiýanyň Alp daglarynda 3000 metrden gowrak belentlikde bürünç asyrynyň petroglifleri tapyldy

  • 25.11.2024 15:20
  • 5.2k+

Alp daglarynyň italýan böleginde Pisso Trezero buzlugynyň eňňitlerinde arheologlar bürünç eýýamyna degişli petroglifleri tapdylar. 3000 metrden gowrak belentlikde ýerleşýän bu şekiller Ýewropadaky iň beýik gaýa suratlary bolup durýar diýip, Arkeonews ýazýar.

Adaty bolmadyk gazma nagyşlary ilkinji bolup ýerli syýahatçy Tommazo Malinwerno gördi. Ol öz tapyndysy barada habar berdi we bu barlaglaryň başlanmagyna sebäp boldy. Şekiller öwrenilende, olaryň miladydan öňki 1600–1200-nji ýyllara degişlidigi belli boldy.
Petrogliflerde adamlaryň, haýwanlaryň, spirallaryň we geometrik elementleriň şekilleri bar. Käbir alymlar şekilleriň simwoliki ýa-da ruhy manylara eýe bolandygyny ýa-da topografiki bellikler bolup hyzmat edendigini çaklaýarlar.
Sebit soňky döwürde, köplenç, dürli gyzykly açyşlar bilen hünärmenleri begendirýär. Ozal bu ýerlerden uzak bolmadyk ýerde, Waltellina-Orobi dag gerşinde alymlar taryhdan öňki ekoulgamyň bardygyna subutnamalary tapdylar. Hususan-da, takmynan, 280 million ýyl ozal ýaşap geçen, perm döwrüne degişli süýrenijileriň we ýerde-suwda ýaşaýanlaryň oňat saklanyp galan yzlaryna duş geldiler.


düýn 21:54
1k+

Şwesiýada 7500 ýyl ozal söweş paltasy hökmünde ulanylan şah tapyldy

Şwesiýada arheologlar Strandwegen ýerinden tapylan 7500 ýyllyk sugun şahyny öwrendi. Sekiz ýyl mundan ozal tapylan artefakt döwrebap tehnologiýalaryň kömegi bilen öwrenildi. Ylmy gözlegiň netijeleri barada Live Science neşirine Lund uniwersitetinden arheolog Lars Larssen gürrüň berdi...

düýn 19:04
2.2k+

Hytaýda 125 million ýyl ozal ýaşap geçen adaty bolmadyk ýelekli dinozawrlaryň galyndylary tapyldy

“Independent” neşiriniň habaryna görä, 125 million ýyl ozal ýaşap geçen iki sany öň mälim bolmadyk ýelekli dinozawryň galyndylary tapyldy diýip, Independent ýazýar. Olara Sinosauropteryx lingyuanensis we Huadanosaurus sinensis diýip at berildi...

19.04.2025 17:48
5k+

Rumyniýada daklara degişli hazynaly hum tapyldy

Mureş uýezdinde ýerleşýän Brýaza rumyn kommunasyndan iki höwesjeň demir gözleýji detektory ulanyp, gadymy frakiýa taýpalaryna – daklara degişli hazyna tapdy. Arkeonews neşiriniň maglumatlaryna görä, tapyndynyň düzümine alty sany şaý-sep girýär...

17.04.2025 14:56
6.3k+

Lefkas grek adasynda 10 müň orunlyk gadymy teatryň üsti açyldy

Ion deňzindäki Lefkas adasynda arheologlar uly gadymy grek teatrynyň harabalygyny tapdy. Desgada 24 oturgyç hatary bolup, ol 10 müň töweregi adama niýetlenipdir diýip, Gresiýanyň Medeniýet ministrligine salgylanyp, Herotage Daily habar berýär...