Türkmenistanda biologiýa dersi boýunça III halkara internet olimpiadasyna 25 döwletden talyplar gatnaşdy

  • 25.11.2024 10:24
  • 3.4k+

20 — 22-nji noýabrda Myrat Garryýew adyndaky Türkmenistanyň Döwlet lukmançylyk uniwersitetiniň guramagynda biologiýa dersi boýunça III halkara internet olimpiadasy geçirildi.

Bu halkara olimpiada türkmen talyplary bilen birlikde, 25 döwletiň jemi 109 sany ýokary okuw mekdebinden, şol sanda Türkmenistanyň Döwlet lukmançylyk uniwersiteti bilen özara ylalaşyklar, ähtnamalar esasynda iş alyp barýan daşary ýurtlaryň ylym-bilim ojaklaryndan 730-dan gowrak talyp gatnaşdy diýip, "Türkmenistan" gazetinde habar berilýär.
Berlen ýumuşlary we soraglary çözmek üçin talyplara 150 minut berildi. Bäsleşigiň eminler toparyna ýurdumyzyň ylym-bilim edaralarynyň tejribeli işgärleri, Astrahan döwlet lukmançylyk uniwersitetiniň ugurdaş ders boýunça professor-mugallymlary wekilçilik etdiler.

Olimpiadanyň jemleri boýunça ýeňiji diýlip yglan edilen talyplar 1-nji, 2-nji hem-de 3-nji derejeli diplomlar bilen sylaglanyldy. Şunda halkara talaplara laýyklykda, 198 talyp ýeňiji diýlip yglan edildi. Şolardan 34-si 1-nji, 64-si 2-nji, 100-si bolsa 3-nji orunlara mynasyp boldy. Biologiýa dersi boýunça geçirilen olimpiadada toparlaýyn bäsleşikde 1-nji orny Astrahan döwlet lukmançylyk uniwersitetiniň, 2-nji orny Myrat Garryýew adyndaky Türkmenistanyň Döwlet lukmançylyk uniwersitetiniň, 3-nji orny bolsa Özbegistan Respublikasynyň Buhara döwlet uniwersitetiniň talyplary eýelediler.
Belläp geçsek, bu halkara internet bäsleşigi eýýäm üçünji gezek guraldy.


25.08.2025 07:38
4.6k+

Magtymguly adyndaky Türkmen döwlet uniwersitetinde bilim işgärleriniň maslahaty geçirildi

23-nji awgustda Magtymguly adyndaky Türkmen döwlet uniwersitetiniň mejlisler jaýynda ýurdumyzyň bilim işgärleriniň maslahaty geçirildi. Maslahat 2024-2025-nji okuw ýylynyň jemlerini jemlemäge hem-de täze, 2025-2026-njy okuw ýylynda öňde durýan wezipeleri ara alyp maslahatlaşmaga bagyşlandy...

22.08.2025 15:55
1.9k+

Ýaponiýanyň ilçihanasy ýapon dil bilimini bahalandyrýan synag üçin arzalary kabul edip başlady

Japanese-Language Proficiency Test (JLPT) synagyna arzalar kabul edilýär. Bu barada Ýaponiýanyň Türkmenistandaky ilçihanasy habar berdi. Hasaba alnyş 25-nji awgustan 1-nji sentýabra çenli dowam eder. Bellenilişi ýaly, synag şu ýyl ikinji gezek geçirilýär...

22.08.2025 07:45
7k+

Türkmen okuwçylary mental arifmetika boýunça dünýä rekordyny goýdular

21-nji awgustda Aşgabatda geçirilýän «Kids Expo: hemme zat çagalar üçin» atly halkara köpugurly sergi-ýarmarkasynyň çäklerinde mekdep okuwçylarynyň arasynda Mental arifmetika boýunça bäsleşikler guraldy. Türkmenistanyň...

16.08.2025 18:56
5.4k+

Türkmen talyplary Malaýziýada “Future is Now” tomusky okuw maksatnamasyna gatnaşdylar

Halkara ynsanperwer ylymlary we ösüş uniwersitetinden bir mugallym we bäş talyp 3–9-njy awgust aralygynda Malaýziýanyň öňdebaryjy ýokary okuw mekdepleriniň biri bolan Malaýa uniwersitetinde «Future is Now» atly tomusky okuw maksatnamasyna gatnaşdylar...