Aşgabatda Jemgyýetçilik guramalarynyň merkezinde 26-njy noýabrda bellenilip geçilýän Bütindünýä durnukly ulag gününe bagyşlanyp, dabaraly mejlis geçirildi. Dabaranyň çäklerinde ýolagçy hem ýük awtoulaglaryň sürüjileriniň arasynda yglan edilen bäsleşigiň final tapgyry geçirildi we ýurdumyzyň iň gowy sürüjileri yglan edildi diýip, "Neýtralnyý Türkmenistan" gazetinde habar berilýär.
Döwlet derejesinde geçirilen bäsleşik «Döwrüm bagtyýar, ýolum ygtybar» diýlip atlandyryldy.
Bäsleşik iki kategoriýada - ýolagçy hem ýük awtoulag serişdeleriniň sürüjileriniň arasynda geçirildi. Bäsleşige ýurdumyzyň ähli künjeginden sürüjiler gatnaşdy. Sürüjiler ýola hereketiniň düzgünleri, awtoulaglaryň tehniki häsiýetnamalary we hünär başarnyklary babatda bilimlerini görkezdiler.
- Ýolagçy awtoulaglary kategoriýasynda ýeňiji - Arkadag şäheriniň Awtomenzil we awtotoplum müdirliginiň sürüjisi Guwanç Owganow.
- Ýük awtoulaglary kategoriýasynda ýeňiji - Ahal welaýatynyň Kaka etrabynyň Awtomobil mekdepleri birleşiginiň şahamçasynyň işgäri Azym Gurbanow.
Ýeňijilere gymmatbahaly sowgatlar gowşuryldy.
