Angliýada 1500 at güýjüni öndürýän BMW M2 kupesiniň üýtgedilen görnüşi hödürlendi. Awtoulagy R44 Performance we Tom Wrigley Performance atelýeleri işläp düzdi diýip, auto.ru habar berýär.
Awtoulag sergi maksatly döredilipdi, ýöne işläp düzüjiler ony ABŞ-da resmi dreg-ýaryşlaryna çykarmagy meýilleşdirýärler. Ilkinji ýaryş synanyşygy indiki ýylyň mart aýynda bolar.
Taslamanyň esasynda adaty alty silindrlik BMW hereketlendirijisi durýar. BMW M2-de sowadyjy ulgamy, geçiriji korobkasy we içerki hereketlendirijiniň birnäçe komponentleri gowulandyryldy. Has gowy ssepleniýäni üpjün etmek üçin awtoulag BMW M3-den mehanizm we doly priwod aldy.
Daşky üýtgeşmelere aerodinamiki bölekler we adaty Wossen tekerleri degişlidir. Awtoulagyň yz tarapynda onuň durmagyna kömek etjek paraşýut ulgamy gurnaldy.
Köp kuzow elementleri karbon analoglary bilen çalşyryldy. Awtoulagyň salony adaty enjamlardan mahrum edilip, onda plastik “kowş oturgyçlary” oturdyldy.
