HJ Bunko leýbli taryhda iň uzyn atly animeniň ilkinji tizerini hödürledi. Ýapon multiplikasiýasynyň awtorlary öz taslamalaryna, köplenç, uly atlary dakýarlar, ýöne geljekki fentezi şouwy 39 iňlis sözünden ybarat bolmak bilen, hemmeden öňe geçmäge çalyşýar: «Backstabbed in a Backwater Dungeon: My Trusted Companions Tried to Kill Me, But Thanks to the Gift of an Unlimited Gacha I Got LVL 9999 Friends and Am Out For Revenge on My Former Party Members and the World».
Animeniň doly ady türkmen dilinde şeýle ýaňlanýar:
“Ýeriň astynda arkaňdan urgy: meniň wepaly ýoldaşlarym meni öldürmäge synanyşdylar, ýöne çäksiz gaça sowgady bilen men 9999-njy derejeli dostlary aldym we öňki partiýadaşlarymdan hem bütin dünýäden ar almak isleýärin”.
Anime Şisui Meýkýo tarapyndan ýazylan adybir romanlar seriýasyna esaslanýar. Asyl roman “Ras bileleşigi” toparyndan öz wepaly ýoldaşlary tarapyndan kowlan Laýt atly ýigit barada gürrüň berýär.
Belläp geçsek, animeleriň uzyn atlary awtorlaryň ol baradaky iň möhüm zatlary adyna goşmak arkaly ulanyjylary özüne çekmek synanyşygy bilen baglanyşyklydyr.
