“Dedpul we Rosomaha” filmi rekord goýmagy dowam etdirýär. Variety neşiriniň habar bermegine görä, Marvel-iň bu filmi Disney+ onlaýn kinoteatrynda premýerasyndan soňky ilkinji alty günüň dowamynda rekord 19,4 mln tomaşa ýygnady.
Bu hem Şon Lewiniň filmini Disney+-da, şeýle-de Hulu platformasynda 2023-nji ýylyň başynda “Gara babyryň” dowamynyň (Черная пантера 2: Ваканда навеки) çykmagyndan bäri iň köp tomaşa edilýän live-action filmine öwürdi.
Şol bir wagtyň özünde, “Dedpul we Rosomaha” animasion lentalaryň rekordyny täzeläp bilmedi. Mysal üçin, “Tapmaça” Disney+-da premýerasynyň ilkinji bäş gününde 30,5 mln tomaşa ýygnady.
“Dedpul we Rosomaha” 26-njy iýulda dünýä prokatyna çykdy we tiz wagtdan kassa ýygymy boýunça birnäçe rekordy täzeledi. Ilkinji uik-endde film ABŞ-da 205 mln dollar we dünýäde 438,3 mln dollar ýygnady, netijede dünýä prokatynda 1 mlrd dollardan gowrak girdeji ýygnap, taryhda R reýtingli iň girdejili film boldy.
Mundan başga-da, Raýan Reýnolds we Hýu Jekman filmiň tizeriniň 24 sagatda iň köp tomaşa edilen tizer bolandygy üçin Ginnesiň rekordlar kitabyna girdiler. Bleýdiň roluna gaýdyp gelen Uesli Snaýps bolsa film çykandan soň Ginnesiň kitabynyň iki rekordyny täzeledi.
