Milanyň Montenapoleone köçesi kärende tölegi boýunça dünýäde iň gymmat köçe boldy. Bu barada Cushman & Wakefield amerikan kompaniýasynyň ýyllyk hasabatynda aýdylýar diýip, TASS habar berýär.
Milanyň bu köçesi ilkinji gezek Nýu-Ýorkdaky we Londondaky esasy bäsdeşlerinden – Bäşinji awenýudan we Nýu-Bond stritden öňe geçip, dünýäniň iň gymmat söwda köçeleriniň reýtinginde birinji orny eýeledi.
Montenapaleonede kärende üçin iň ýokary töleg bir ýylda 11% ýokarlanyp, her inedördül metr üçin 20 müň ýewro ýetdi. 34 ýylda ilkinji gezek reýtingde birinji orny Ýewropanyň köçesi eýeledi.
Montenapoleone bolan gyzyklanmanyň artmagy lýuks brendleriň arasynda özüne çekiji ýerler üçin bäsdeşligiň güýçlenmegi bilen baglanyşdyrylýar. 2023-nji ýylda bu ýerde täze Chanel we Gucci dükanlary açyldy.
Gucci we Alexander McQueen ýaly brendlere eýelik edýän Kering lýuks kompaniýalar topary bu köçedäki söwda binasy üçin 1,3 mlrd ýewro töledi, bu hem soňky iki ýylda Ýewropada gozgalmaýan emläk boýunça iň uly şertnama boldy.
Hünärmenler köçäniň gysgalygynyň onuň özüne çekijiligini ýokarlandyrýandygyny belleýärler. Iň gymmat köçeleriň bäşligine Pariždäki Ýeliseý meýdanlary we Gonkongdaky Çimsaçýoý hem girdi, onlugy bolsa Wenanyň merkezindäki Kolmarkt köçesi jemledi.
