Gresiýanyň häkimiýetleri kenarýaka zolaklary goramak baradaky täze düzgünleriň çäginde ýurduň 251 sany plýažynda şezlonglary (ýaylýan oturgyçlary) we Günden goraýan saýawanlary ulanmagy düýbünden gadagan etdi.
The Sun neşiriniň ýazmagyna görä, bu gadagançylyk ýurda gelýän syýahatçylaryň çakdanaşalygyna garşy göreşmek we kenarýakanyň tebigy gözelligini gorap saklamak maksady bilen girizildi.
Gorap saklanyş zolaklaryna degişli bolan bu ýerlerde kireýine berilýän ýa-da kafelere degişli bolan plýaž mebellerini goýmaga-da rugsat berilmez.
Bu ýerlerde beton gaçylary we daş düşelen ýodalary gurmak ýaly işleri hem düýbünden gadagan edildi.
Plýaža dynç almaga gelýän adamlar diňe özleri bilen getiren adaty süpürgiçlerini ýa-da ýörite matalaryny ýere düşäp, dynç alyp bilerler.
Düzgünleriň berjaý edilişine gözegçilik etmek üçin kenarlarda dronlar ulanylar. Kanuny bozan islendik adamlara-da, kenardaky kafe eýelerine-da örän uly möçberde pul jerimeleri garaşýar.
