Ilon Mask Günorta Tehasdaky “Starfactory" zawodynyň önümçilik kuwwatynyň ýylda 1000 “Starship” raketasyna ýetmelidigini habar berdi. Bu her gün üç gämi ýygnamagy öz içine alýar diýip, x.com ýazýar.
“Starfactory” takmynan, 93,000 inedördül metr meýdany bolan önümçilik toplumydyr. Zawod has çalt önümçilik aýlawyna mümkinçilik berýän gurnama işiniň irki döwürlerini birleşdirýär.
Mundan ozal, “SpaceX-iň” hil ulgamlaryny ösdürmegiň menejeri Keýt Taýs kompaniýanyň günde bir gämi ýygnamak baradaky uzak möhletleýin maksadyna ýetip, indi önümçilik derejesini ep-esli ýokarlandyryp biljekdigini habar berdi.
Mundan başga-da, Mask kompaniýanyň iki günüň içinde raketalary uçurmak boýunça täze rekord goýmagy meýilleşdirýändigini tassyklady. “SpaceX” 48 sagadyň dowamynda Tehasdan, Floridadan we Kaliforniýadan “Starship” ýaly dört raketa uçurmagy meýilleşdirýär.
Indiki ýylda kompaniýanyň iki “Starshipiň" arasynda ilkinji orbital ýangyç guýmaga taýýarlanýandygy mälimdir.
Täze “Starship-yň” synag uçuşy 19-njy noýabrda meýilleşdirilýär. Bu dünýäniň iň uly kosmiki gämisiniň Arş giňişligine uçurylyşyndaky altynjy synanyşyk bolar diýip, ixbt.com ýazýar.
