Täze BMW 5 Series modeli “Germaniýada 2025-nji ýylyň awtoulagy” diýen ada eýe boldy. 32Cars.ru-nyň habar bermegine görä, Germaniýanyň, Awstriýanyň, Şweýsariýanyň we beýleki ýurtlaryň 40 sany bilermen-awtožurnalistlerinden ybarat bolan bäsleşigiň eminler topary modellere dürli ölçegler boýunça baha berdiler.
Baýrak BMW AG-nyň Dolandyryş Geňeşiniň agzasy Ýohen Gollere gowşuryldy.
“Täze BMW 5 Series-iň ýeňşi müşderilere gönükdirilen strategiýamyzyň üstünlikli bolandygyny tassyklaýar. Müşderileriň dürli isleglerini kanagatlandyrmak üçin bu modeli doly elektrikli görnüşde hem-de gibrid we ýokary öndürijilikli içinden otlanýan hereketlendirijili görnüşde hödürleýäris " – diýip, Goller dabarada belledi.
BMW 5 Series dürli segmentlerde iň oňat diýlip saýlanan beýleki finalçylardan: Citroen C3-den (ykjam awtoulaglar), Cadillac Lyriq-den (kaşaň awtoulaglar), Audi Q6 e-tron-dan (alternatiw güýç gurluşly awtoulaglar) we Porsche 911 GTS T-Hybrid-den (sport awtoulaglary) öňe geçmegi başardy.
BMW 5 Series-iň özi premium awtoulaglar klasyna degişli.
BMW 5 seriýasynyň ýeňmegi bilen ýaryşda alty ýyllap elektromobilleriň agalyk etmegini tamamlandy. Geçen ýyllarda bu baýragy Jaguar I-Pace, Porsche Taycan we Hyundai Ioniq 5 alypdy.
Bäsleşigi Aitastic, Alcantara we Bridgestone ýaly kompaniýalar goldaýar.
