“Airbnb” platformasy Rimiň meşhur Kolizeýini ekzklýuziw (aýratyn) agşam gezelençleri üçin kärendesine almak mümkinçiligini yglan etdi. Bu çäre Ridli Skottyň režissýorlyk eden “Gladiator” filminiň ikinji bölüminiň çykmagy mynasybetli gurnaldy.
7-nji we 8-nji maýda gün ýaşandan soň, taryhy ýadygärlige diňe 16 adam baryp biler. Garaňkydan soň ilkinji gezek myhmanlara Kolizeýa girmäge rugsat berler, ýöne ol ýerde tutuş gijäni geçirmek mümkin bolmaz.
Giriş biletiň bahasy 9 dollar bolar.
Amfiteatryň ýerasty bölegine, ýagny gipogeuma alyp barmak üçin myhmanlary dabaranyň ussady garşy alar. Şol ýerde myhmanlar gladiator eşiklerini geýmäge we gladiator söweşiniň täzeden guralmagyna gatnaşmaga çagyrylar.
“Maksimus we başga-da köp sanly söweşijileriň içinden geçen Kolizeýiniň fakel labirintlerinden geçiň. Taryhy yzlardan ýöräp, olaryň ykbaly we özüňiz hakynda pikirleniň. Gladiatorlaryň gözüňiziň öňünde janlanýan tolgundyryjy söweş pursatlaryndaky gylyçlaryň we galkanlaryň simfoniýasyndan (owazynda) lezzet alyň. Olara üns beriň, sebäbi ýakyn wagtda siziň hemnobatyňyz geler" diýip, waka barada habar berýän "Airbnb" ýazýar.
Çärä başlamazdan ozal myhmanlara üzüm, nar, badam we hoz ýaly tagamlar hödürlener.
“Ýöne ol ýerde açgöz bolmaga mümkinçiligiňiz ýok. Iýmitiň aşa köp sarp edilmegi duýgyňyzy peselder we refleksleriňizi haýalladar" diýip, şol ýazgyda bellenilýär.
Oňa gatnaşmak üçin sargyt buýurmalary 27-nji noýabrda sagat 18:00-da "Airbnb" web sahypasynda kabul edilip başlanar diýip, daily.afisha.ru habar berýär.
