Nvidia-nyň paýnamalary geçen hepdäniň ahyrynda rekord derejä çykyp, çip öndürijini taryhda 3,6 trillion dollardan gowrak gymmaty bolan ilkinji kompaniýa adyna eýe etdi. Bu barada “Daily Star” gazeti habar berýär.
Nvidia-nyň bazar bahasy 3,65 trillion dollara ýetip, duşenbe güni bu görkeziji 3,62 trillion dollar derejesinde saklandy.
Geçen hepdäniň ahyrynda Apple-iň gymmaty 3,44 trillion dollara ýetdi, häzirki wagtda bu kompaniýanyň bahasy 3,43 trillion dollara barabardyr.
Diňe noýabr aýynda çip öndürijiniň paýnamalary 12% ýokarlandy. 2024-nji ýylda bolsa olaryň bahasy üç esse artdy. Analitikler 20-nji noýabrda Nvidia-nyň çärýeklik girdejisini 80%-den gowrak - 32,9 milliard dollara çenli artdyryp biler diýip garaşýarlar.
Bazar bahasy boýunça ilkinji üçlügi Microsoft jemleýär. Geçen hepdäniň ahyrynda onuň bahasy, takmynan, 3,16 trillion dollar boldy. Häzir ol 3,14 trillion dollara düşdi.
