FIFA-nyň prezidenti Janni Infantino Guwançmuhammet Öwekowy Türkmenistanyň Futbol Federasiýasynyň (TFF) başlygy wezipesine saýlanmagy bilen gutlady. Bu barada Türkmenistan Habarlar portaly habar berýär.
Öwekow 4-nji noýabrda Türkmenistanda TFF-niň başlygynyň saýlawlarynda bu wezipä biragyzdan saýlanypdy.
Belläp geçsek, 2023-nji ýylyň maýynda Aşgabatda Türkmenistanyň Prezidenti Serdar Berdimuhamedow bilen FIFA-nyň prezidenti Janni Infantinonyň arasynda duşuşyk geçirildi. Duşuşykda döwlet Baştutany FIFA-nyň ýurdumyzda futboly ösdürmek boýunça başlangyçlaryna we tekliplerine goldaw berjekdigini nygtady. Infantino, öz gezeginde, Aşgabada sapar bilen gelendigine hoşaldygyny belledi we sowgat hökmünde Türkmenistanyň Prezidentine özüniň 10 belgili ýörite futbol lybasyny, futbol topuny we FIFA-nyň ýörite nyşanyny ýadygärlik sowgat berdi.
