Türkmenistan raýatsyzlyga garşy global göreşde öňdebaryjy orunlaryň birini eýeleýär. Bu meseläni ýok etmek boýunça alnyp barylýan ählumumy tagallalaryň çäklerinde ýurt bosgunlara we raýatlygy ýok adamlara netijeli kanuny we ynsanperwer goldawy görkezdi. Bu barada Türkmenistanyň Daşary işler ministrliginiň metbugat relizinde habar berilýär.
2014-nji ýylda BMG bütin dünýäde raýatsyzlygy ýok adamlar bilen bagly meseleleri çözmäge gönükdirilen onýyllyk #IBelong global kampaniýasyny işe girizdi. Türkmenistan bu kampaniýa işjeň gatnaşyp, raýatsyzlyk statusyny kesgitlemegiň dünýäde iň ýaýbaň proseduralarynyň birini ornaşdyrmak bilen, görlüp-eşidilmedik netijelere ýetdi.
Häzirki günde ýurt onýyllyk maksatnamanyň çäklerinde öz wezipe borçlaryny doly ýerine ýetirdi. Soňky ýyllarda döwlet 32 müňden gowrak adama raýatlyk berip, 2019-2024-nji ýyllar üçin raýatsyzlygy ýok etmek boýunça hereketleriň Milli meýilnamasyny doly durmuşa geçirdi.
Şeýlelikde, Türkmenistan belli bolan ähli raýatsyzlyk ýagdaýlaryny çözen raýatsyzlyk baradaky Konwensiýa ilkinji gatnaşyjy döwlet, şeýle-de raýatsyzlygy ýok etmek boýunça Global bileleşige goşulan Merkezi Aziýada ilkinji ýurt boldy.
Metbugat relizinde bellenilişi ýaly, ýurtda şeýle netijeleri güýçli syýasy erki, kanunçylyk özgertmelerini, halkara hyzmatdaşlygy, şeýle-de şahsyýeti kesgitlemek we hasaba almak ulgamlarynyň kämilleşdirilmegini utgaşdyrmak arkaly gazanmak başartdy.
