Ýewropanyň Futbol Assosiasiýalarynyň Birleşigi (UEFA) şu hepde klub ýaryşlarynyň ähli oýunlarynyň Ispaniýadaky suw joşmasynyň pidalarynyň hatyrasyna bir minutlyk dymyşlykdan başlajakdygyny habar berdi.
Guramanyň resmi saýtynda bellenilişi ýaly, bu başlangyç Ispaniýa sebitinde weýrançylykly tebigy betbagtçylyklaryň netijesinde zyýan çekenlere goldaw bildirmäge gönükdirilendir.
Şeýlelikde, sişenbe, çarşenbe we penşenbe günleri geçiriljek Çempionlar ligasynyň, Ýewropa ligasynyň we Konferensiýalar ligasynyň oýunlary bir minutlyk dymyşlyk bilen başlar.
Oktýabr aýynyň ahyrynda Ispaniýanyň günorta we gündogar sebitlerine inen güýçli çabganyň netijesinde 211-den gowrak adam ýogaldy. Aýratynam, Walensiýa awtonom jemgyýeti has uly ýitgi çekdi, bu ýerde tebigy betbagtçylyk köp sanly pidalara, şeýle-de 60-dan gowrak ýoluň zaýalanmagyna we ýapylmagyna sebäp boldy.
