Frakiýadaky Demokrit uniwersitetinden bir arheologik topar möhüm açyş etdi: Gresiýanyň demirgazygyndaky Wergina şäherinde ýerleşýän üç şa mazarynyň birinden alymlar Aleksandr Makedonskä degişlidigi çaklanylýan köýnegi tapdylar diýip, mail.ru habar berýär.
Gyrmyzy mata pars hökümdarlarynyň şa eşigi bolan sarapisleriň suratlandyrylmasyna gabat gelýär. Ol Aleksandryň Dariý III-den üstün çykandan soň, Pars döwletiniň üstünden agalyk edýändigini görkezmek üçin, güýç nyşany hökmünde ele salnypdyr.
Arheologiki maglumatlaryň we taryhy çeşmeleriň seljermesi tapylan sarapisleriň diňe Pars şäherini basyp alan hökümdar Aleksandr Makedonskä degişlidigini tassyklaýar.
Köýnegiň tapylan ýerindäki ikinji guburda gadymy grek goşunynyň ýolbaşçysy Filipp II-iň kakasyna degişli galyndylar bar. Şeýle-de bolsa, soňraky gözlegler olaryň Aleksandryň dogany Filipp III Arrideýe degişlidigini görkezdi.
Mazarda beýleki zatlar bilen birlikde, hasa, altyndan ýaprak şekilli täç we şa nyşany bolup, olar taryhy çeşmelerde güýçlüligiň nyşany hökmünde agzalýar. Bu açyş, Makedoniýa hökümdarlarynyň, şol sanda Aleksandryň kakasy, öweý ejesi Kleopatra we ogly Aleksandr IV-iň jaýlanyşynyň hronologiýasyna aýdyňlyk çaýýar.
