Werstappen 17-nji orundan bat alyp, Braziliýanyň Gran-pri baýragyna mynasyp boldy

  • 04.11.2024 21:23
  • 2.1k+

“Red Bull-yň" sürüjisi Maks Werstappen “Formula 1” klasly ulag ýaryşlary boýunça dünýä çempionatynyň nobatdaky tapgyry bolan Braziliýanyň Gran-prisinde ýeňiji boldy. Niderlandly sürüji ýaryşa 17-nji orundan başlady.

Ýaryşlar “Interlagos” aýlawynda geçirildi.
“Alpin” toparynda çykyş edýän fransuz sürüjileri Esteban Okon we Pýer Gasly pellehana degişlilikde ikinji we üçünji bolup geldiler.
Werstappen seýfti-kardan soň, soňky restartda Okondan öňe geçmegi başardy. Ondan öň niderlandly sürüji hem, fransiýaly sürüji hem, Franko Kolapinto heläkçilige uçrandan soň, ýaryş gyzyl baýdak galdyrylyp togtadylmanka, pit-stopa girmän, birnäçe ýer gazanypdy.
Werstappen indi 393 utuk toplap, çempionatyň şahsy hasabynda öňdebaryjylygyny berkitdi. Ikinji orny “Maklareniň” sürüjisi britaniýaly Lando Norris (331) eýeleýär, “Ferrariden” monegaskly Şarl Lekler (307) bolsa ilkinji üçlügi jemleýär.
Indiki ýaryş 22-24-nji noýabrda, dynç güni Las-Wegasda geçiriler.


düýn 12:19
1.9k+

Piastri Niderlandlaryň Gran-prisinde ýeňiji boldy, Werstappen – ikinji

“Maklaren” toparynyň sürüjisi Oskar Piastri 31-nji awgustda Zandwortda geçen Niderlandlaryň Gran-prisinde ýeňiji boldy. Ikinji bolup pellehana “Red Bulldan” häzirki dünýä çempiony Maks Werstappen geldi. Üçünji orny “Reýsing Bulls” toparynyň wekili Isak Hajar eýeledi – onuň üçin bu karýerasynda münbere ilkinji gezek çykmagy boldy...

22.08.2025 19:07
15k+

Nike Braziliýadan sekiz ýaşly futbolçy bilen şertnama baglaşdy

Nike Braziliýadan “Flamengo” klubunyň çagalar toparynda çykyş edýän sekiz ýaşly futbolçy Natansinýo bilen şertnama baglaşdy. Bu barada O Globo neşiri habar berýär. Geçen möwsümde Natansinýo 8 ýaşa çenli oýunçylaryň arasynda Rio-de-Žaneýronyň çempionatynyň iň gowy bombardiri boldy...

21.08.2025 16:32
8.4k+

44 ýaşly braziliýaly derwezeban futboldaky oýunlarynyň sany boýunça rekord goýdy

“Fluminenseniň” braziliýaly derwezebany Fabio professional futbolda gatnaşan oýunlarynyň sany boýunça rekord eýesi boldy. Onuň hasabynda indi 1391 oýun bar. 44 ýaşly futbolçy çarşenbe güni Günorta Amerika kubogynyň 1/8 finalynyň Kolumbiýanyň “Amerika De Kali” toparyna garşy oýnuna başlangyç düzümde çykdy...

04.08.2025 13:27
2.9k+

“Maklaren” yzygider dördünji gezek ilkinji iki orny eýeläp, “Formula-1-iň” rekordyna golaýlady

“Maklaren” toparynyň ýaryşa gatnaşyjylary yzygider dördünji gezek “Formula-1-iň” münberinde ilkinji iki orny eýeledi. Ýekşenbe güni geçen Wengriýanyň Gran-prisinde birinji bolup pellehana Lando Norris, ikinji bolup onuň topardaşy Oskar Piastri geldi...