Moldowada geçirilen prezident saýlawlarynyň ikinji tapgyrynda Maýýa Sandu ýeňiş gazandy

  • 04.11.2024 14:56
  • 5.6k+

Moldowanyň Merkezi saýlaw topary prezident saýlawlarynyň ikinji tapgyrynda Maýýa Sanduwyň ýeňşini yglan etdi. Bu barada meduza.io habar berýär.

Sesleriň 99,73%-i gaýtadan işlenenden soň, Sandu 55,36% ses aldy, onuň garşydaşy, öňki baş prokuror Aleksandr Stoýanoglo bolsa 44,64% ses gazandy.
MST-niň maglumatlaryndan görnüşi ýaly, ýurtdaky sesleriň aglabasy Stoýanoglo üçin berildi. Şeýle-de bolsa, Sanduwyň artykmaçlygy daşary ýurtlardaky Moldowanyň raýatlarynyň goldamagy bilen gazanyldy. Sandu ýurduň daşyndaky raýatlarynyň 82,71% sesleri bilen üpjün edildi. Daşary ýurt bölümlerinden alnan maglumatlary göz öňünde tutmanyňda, Stoýanoglo 51,19% netije bilen öňde barýardy.
4-nji noýabra geçilen gijesi Sandu çykyş edip, saýlawlara gelenleri üçin raýatlara minnetdarlyk bildirdi we ony goldaýanlaryň hem-de Stoýanoglo ses berenleriň seslerini eşidendigini aýtdy. Ol "hemmeler üçin" prezident boljakdygyna söz berdi.
Saýlawlaryň birinji tapgyry 20-nji oktýabrda geçirilip, oňa 11 dalaşgär gatnaşdy. Şol bir wagtyň özünde, şol gün Moldowanyň Ýewropa Bileleşigine girmegi üçin konstitusiýasyny üýtgetmek üçin maslahat geçirildi. Saýlawçylaryň 50.35% -i ýurduň Ýewropa birleşmegini goldady, 49,65% -i bolsa garşy çykdy.


05.06.2025 11:39
5.4k+

Serdar Berdimuhamedow Koreýa Respublikasynyň saýlanan Prezidentini gutlady

Prezident Serdar Berdimuhamedow Li Çže Mýona Koreýa Respublikasynyň Prezident saýlawlarynda ýeňiş gazanmagy mynasybetli tüýs ýürekden gutlaglaryny iberdi. Döwlet Baştutany gutlag hatynda Koreýa Respublikasy bilen ýola goýlan netijeli gatnaşyklara ýokary baha berip, özara bähbitli hyzmatdaşlygy mundan beýläk-de ösdürmek boýunça bilelikde tagalla etmäge taýýardygyny tassyklady...

04.06.2025 13:47
6.6k+

Günorta Koreýanyň täze Prezidenti demokrat Li Çže Mýon boldy

Oppozision Demokratik partiýadan dalaşgär Li Çže Mýon Günorta Koreýanyň Prezidentiniň saýlawlarynda ýeňiş gazandy. Ol 49%-den gowrak ses aldy diýip, Bi-bi-si habar berýär. Onuň esasy garşydaşy – “Halkyň güýji” dolandyryjy partiýasyndan dalaşgär Kim Mun Su 41% ses alyp, ýeňlendigini boýun aldy we ýeňijini gutlady...

02.06.2025 12:53
3.3k+

Polşanyň Prezident saýlawlarynda Karol Nawroskiý ýeňiş gazandy

Polşada geçirilen Prezident saýlawlarynyň ikinji tapgyrynyň netijesine görä, oppozision konserwatiw partiýa bolan «Hukuk we adalat» partiýasynyň dalaşgäri Karol Nawroskiý sesleriň köplügini aldy. Bu barada «Gazeta Wyborcza» habar berýär...

20.05.2025 07:51
5.5k+

Buharestiň häkimi Nikuşor Dan Rumyniýanyň täze Prezidenti saýlandy

Buharestiň häkimi Nikuşor Dan Rumyniýada geçirilen prezident saýlawlarynyň ikinji tapgyrynda ýeňdi. Resmi maglumatlara görä, býulletenler 100% işlenenden soň, ol 6,1milliondan gowrak ses (53,60%) aldy diýip, Associates Press habar berýär...