Kompaniýanyň döredilen gününden bäri öndürilen Ferrari awtoulaglarynyň 90%-i henizem ýollarda sürlüp ýör. Bu barada Ferrari kompaniýasynyň ulanylan awtoulaglar programmasynyň ýolbaşçysy Andrea Skiolettiniň sözlerine salgylanýan Motor1 ýazýar.
Maglumatlara görä, brendiň ulanyşdaky ulaglarynyň umumy sany 300 müň birlikden geçýär.
Ferrari markasy ikinji eliň bazarynda geçginli ulag bolmagynda galýar. Alyjylaryň köpüsi brendiň awtoulaglaryny ilkinji gezek kompaniýanyň Ferrari Approved ulanylan awtoulaglar programmasy arkaly satyn alýar diýip, Scioletti belledi.
Bu programmanyň çäginde kompaniýa awtoulaglary ulanyşyň talaplaryna laýyk gelýän ýagdaýda dikeldýär we diňe 16 ýaşdan uly bolmadyk awtoulaglar üçin, hatda iki ýyla çenli zawod kepilligini hem berýär.
Ulanylan awtoulaglara ideg etmekden başga-da, kompaniýa galplyklary ýok etmek bilen, öz brendini goramak üçin çäreleri görýär. Brendiň abraýyny goramak we galp önümlere garşy göreşmek üçin, geçen ýyl Ferrari ýasama raritet modellerini goşmak bilen, 150 müňden gowrak bikanun brendlenen awtoulaglary ýok etdi.
