Hytaýyň Roewe D7 işewür-sedany ýangyçdan bir gezek doldurylan bak bilen rekord - 2208 kilometr ýol geçdi. SAIC konserniniň awtoulagy plugin-gibridleriň arasynda iň uzak aralygy geçmekde Ginnesiň rekordlar kitabyna girdi.
SAIC-iň berýän maglumatyna görä, modeliň pasportynda ýöreýiş ätiýaçlygynyň bary-ýogy 1400 kilometrdigine garamazdan, “netije zarýad bermezden ýa-da ýangyç guýmazdan gazanyldy”.
Dört gün dowam eden rekord sürüş Lançžou - Urumçi ugrunda geçirildi. Gatnaşyjylar 30 gradusa çenli temperaturanyň üýtgemegine, şeýle hem ýoluň köteliniň 1,6 kilometre çenli üýtgemegine duçar boldular. Ýangyjyň ortaça sarp edilişi 100 kilometre 2,49 litr bolup, yglan edilen 4,3 litrden ep-esli azdyr.
Bu model geçen ýylyň awgust aýynda hödürlenipdi we noýabr aýynda bolsa satylyp başlanypdy.
Şol bir wagtda Hytaýyň başga bir Geely modeli täze gibrid ulgamyny hödürlemegi meýilleşdirýär. Ol Galaxy L6 sedanyna 2390 km aralyga çenli ýöreýiş ätiýaçlygyny berer.
