«Hytaý – Merkezi Aziýa» hyzmatdaşlygynyň 11-nji forumy geçirildi

  • 31.10.2024 10:23
  • 2.9k+

25-28-nji oktýabrda HHR-iň Ninsýa-Hueý awtonom sebitiniň Inçuan şäherinde «Hytaý – Merkezi Aziýa» hyzmatdaşlygynyň 11-nji forumy geçirildi. Bu barada Türkmenistanyň DIM-nde habar berdiler.

Forumda Hytaýyň Halk syýasy konsultatiw geňeşiniň Ählihytaý komitetiniň başlygynyň orunbasary, ŞHG-nyň hoşniýetli goňşuçylyk, dostluk we hyzmatdaşlyk boýunça Hytaý komitetiniň başlygy Şen Ýueýue gutlag sözi bilen çykyş etdi. Şeýle-de dabara awtonom sebitiniň, HHR-iň DIM-iň ýolbaşçylary, Merkezi Aziýa ýurtlarynyň wekiliýetleriniň ýolbaşçylary, diplomatik wekilhanalarynyň, işewür birleşikleriň, uniwersitetleriň we kärhanalaryň wekilleri we beýlekiler gatnaşdylar.
Türkmenistanyň HHR-däki ilçihanasynyň geňeşçisi B.Glyçmämedow öz çykyşynda ykdysadyýetiň deňagramly, ekologiýa gönükdirilen ösüşiniň Türkmenistanyň döwlet syýasatynyň ileri tutulýan ugurlarynyň biridigini belledi. Bu nukdaýnazardan, diplomat Türkmenistanyň ekologiýa başlangyçlary, şol sanda «akylly» Arkadag şäheriniň gurluşygynda sanly we ýaşyl tehnologiýalaryň üstünlikli ornaşdyrylşy dogrusynda gürrüň berdi.
Forumyň çäginde dürli çäreler, şol sanda surat sergisi, «Hytaý – Merkezi Aziýa» dostluk seýilbagynda agaç nahallaryny oturtmak çäresi we sebitleýin hyzmatdaşlyk boýunça utgaşykly forum geçirildi.
Forumyň netijeleri boýunça «Hytaý – Merkezi Aziýa» hyzmatdaşlygynyň 11-nji forumynyň başlangyjy» yglan edildi.


şu gün 10:37
841

Türkmenistanyň Mejlisiniň Başlygy Hindistanyň ilçisi bilen duşuşdy

26-njy noýabrda Türkmenistanyň Mejlisiniň Başlygy D.Gulmanowa Hindistanyň ilçisi Bandaru Wilsonbabu bilen duşuşdy. Bu barada milli Parlamentiň saýtynda habar berilýär. Mejlisiň ýolbaşçysy ilçini ýokary diplomatik wezipä bellenilmegi mynasybetli gutlap, oňa iki ýurduň arasyndaky köpugurly gatnaşyklary mundan beýläk-de ösdürmäge gönükdirilen işinde uly üstünlikleri arzuw etdi...

şu gün 10:16
608

ÝUNISEF-iň we ÝUNFPA-nyň Türkmenistandaky wekilhanalarynyň 2026-njy ýyl üçin iş meýilnamalary taýýarlanyldy

2026-2027-nji ýyllarda anyk çäreleri geçirmek üçin BMG-niň Çagalar gaznasy we Ilat gaznasy bilen Türkmenistanyň degişli ministrlikleriniň, pudak edaralarynyň, jemgyýetçilik guramalarynyň arasynda dürli ugurlar boýunça jemi 16 sany resminamanyň taslamalary işlenip taýýarlanyldy...

şu gün 10:04
2.6k+

Türkmenistanda dekabr aýynda geçiriljek esasy çäreleriň Tertibi aýdyldy

28-nji noýabrda geçirilen Hökümet mejlisinde wise-preýmer B.Seýidowa 2025-nji ýylyň dekabr aýynda geçiriljek esasy çäreleriň we açylyp ulanmaga beriljek medeni-durmuş maksatly binalaryň Tertibi barada hasabat berdi...

şu gün 10:01
2.5k+

5-nji dekabrdan Türkmenistanyň çäginde baýramçylyk söwdalary başlanar

5-nji dekabrdan başlap Türkmenistanyň welaýatlarynda hem-de Aşgabat, Arkadag şäherlerinde ýerleşýän söwda merkezlerinde, bazarlarda, dükanlarda baýramçylyk söwdalaryny amala aşyrmak, göçme söwda nokatlaryny gurnamak göz öňünde tutulýar...