Amerikaly aýdymçy Beýonse özüniň “Cowboy Carter” atly albomyndan ylhamlanyp, täze Cé Lumière atly hoşboý ysly atyryny çykardy.
Täze atyr öňki “Renaissance” plastinkasyny goldamak üçin çykarylan Cé Noir-iň yzy bilen gelýär.
Çüýşesiniň bezegi altynsow çöl reňkinde. Cé Lumière-iň ýokarky äheňlerinde Madagaskaryň gara burçy we italýan mandarini bar. Kompozisiýanyň ýüreginde - yasemin bilen yşgyn, özeninde bolsa indonez patçulisi we deri müşgi bar.
Atyry öňünden ABŞ-nyň we Kanadanyň resmi web sahypasyndan sargyt edip bolýar. Bahasy 160 dollar.
Parkwood Ventures atyr kompaniýasynyň dolandyryjy müdiri Janki Lalani Gandi: "Beýonseniň durmuşa geçirýän islendik taslamasynda elmydama aýdyň maksat bar. Bu ýagdaýda aýdymçy ýylda bir gezek täze hoşboý ysly atyr çykarýar. Şeýdibem, ol atyryň kömegi bilen durmuşyň belli bir döwrüni ýatda galdyrýar” – diýip belledi.
