Coca-Cola Awstriýada 0,5 litr göwrümli 28 mln plastik çüýşäni yzyna gaýtarýar. APA agentliginiň habar bermegine görä, çözgüt önümde metal bölejikleriniň ýüze çykarylmagy sebäpli kabul edildi.
Näsazlyk önümçilikde bolup geçdi: içgileri guýmak prosesinde bölejikleriň çüýşelere düşüp bilmeginiň sebäbi döwlen süzgüç boldy.
Yzyna gaýtarylýan önümleriň arasynda 2025-nji ýylyň 4-nji fewralyndan 12-nji apreli aralygynda ýaramlylyk möhleti bilen öndürilen Coke, Fanta, Sprite we MezzoMix içgileri bar. Kompaniýa şeýle içgileri içmegiň saglyk üçin howply bolup biljekdigini, şol sebäpli toplumyň doly möçberde satuwdan aýryljakdygyny belleýär.
Häzirki wagtda içgini içmegiň netijesinde zyýan çeken ýok. Bellenilişi ýaly,
Coca-Cola önümleriniň şeýle uly göwrümde yzyna gaýtarylmagy Awstriýada ilkinji gezek bolýar.
